आफूमाथि विश्वास राख्ने मानिसहरूले नै इतिहास रच्छन्

हामीलाई यथास्थितिमा रमाउने छुट छैन । यस्तै त हो नि ब्रो भनेर जस्तो चल्दै आयो त्यसैलाई निरन्तरता दिएर उन्मुक्ति पाउने समय छैन । आजको भोलि नै सबै समस्याको समाधान त हामीसँग पनि हुनेछैन, तर हामी एउटा बहसको सुरुवात गर्नेछौँ । समाधानतिर लम्किनको लागि परिवर्तनको खुड्किलातर्फ पाइला चाल्नेछौँ । एकैपटक सकिँदैन भने विश्राम लिँदै गरौँ । तर सुरु चै गरिहालौँ ।

परिवर्तनको सुरुवात आफैबाट

हामीले कोसिस गर्ने हो । एउटा तरिका सफल भएन भने अर्को तरिका प्रयोग गर्ने हो । जबसम्म समाधान भेटिँदैन तबसम्म निरन्तर प्रयास गरिरहनुपर्छ । यसरी हार नमानि आफूप्रति निरन्तर विश्वास राख्ने मानिसहरूले नै इतिहास रच्ने हुन् । संशयको शक्तिमाथि उनीहरूको विश्वासले विजय हासिल गर्दछ । समाधानको उपाय भएर मात्र पुग्दैन, सँगसँगै लगनशीलता पनि आवश्यक हुन्छ ।

सबै नेपाली नागरिकले सुखी र गुणस्तरीय जीवनको सपना देख्ने मौका पाउनुपर्छ । समान पहुँचको अवसर प्राप्त गर्नुपर्छ ।

सुमना श्रेष्ठ

प्रतिनिधिसभा सदस्य

पूर्व शिक्षा, विज्ञान तथा प्रविधि मन्त्री

व्यवस्थापन परामर्शदाता | उद्यमी | अभियन्ता
केन्द्रिय सदस्य / सह-महामन्त्री
राष्ट्रिय स्वतन्त्र पार्टी